ஈரோடு, ஆக.20: தமிழ் மாநில காங்கிரஸ் கட்சியின் நிறுவனர் மூப்பனார் பிறந்தநாள் அக் கட்சியினர் சார்பில் சிறப்பாக கொண்டாடப்பட்டது.
ஈரோட்டில் ஜிஹெச் ரவுண்டானா அருகில் உள்ள மூப்பனார் படத்திற்கு தமாகா.,வினர் மாலை அணிவித்து மரியாதை செலுத்தினர். இந்நிகழ்ச்சிக்கு மத்திய மாவட்ட தலைவர் விஜயகுமார் தலைமை வகித்தார். மாநில துணைத்தலைவர் ஆறுமுகம், பொதுச்செயலாளர் விடியல் சேகர் ஆகியோர் முன்னிலை வகித்தனர்.