க.பரமத்தி, ஜூன் 19: கருப்பு எள் ஏலத்தில் ஒரு கிலோ ரூ.103க்கு ஏலம் போனது.கரூர் மாவட்டத்தில் கிராமப்புற பகுதியில் மானாவாரியாக எள், கம்பு, சோளம் சாகுபடி செய்யப்படுகிறது. இதனை வெளி மாவட்ட பகுதியில் இயங்கும் கொடுமுடி அருகேயுள்ள சாலைபுதூர் ஒழுங்கு முறை விற்பனை கூடத்திற்கு கொண்டு செல்கின்றனர். நேற்றுமுன்தினம் 205 மூட்டைகளில் 15362 எடைக்கு நடந்த ஏலத்தில் கருப்பு எள் ஒரு கிலோ சராசரி விலையாக ரூ.92, அதிக விலையாக கிலோ ரூ.103க்கு ஏலம் போனது.இதே போல சிகப்பு எள் ஒரு கிலோ சராசரி விலையாக ரூ.91, அதிக விலையாக கிலோ ரூ.108க்கு ஏலம் போனது. கடந்த வாரமும் இதே விலை தான். மாற்றம் இல்லை.
ஒழுங்குமுறை விற்பனை கூடத்தில் கருப்பு எள் கிலோ ரூ.103க்கு ஏலம்
04:02 am Jun 19, 2019 |
