கோவை, மே 23: கோவை மாவட்டத்தில் கடந்த ஒரு ஆண்டில் 37,979 வாகனங்கள் பதிவாகி விற்பனை செய்யப்பட்டுள்ளது. இதில் 70 சதவீதம் இரு சக்கர வாகனங்கள், 30 சதவீதம் ஆட்டோ, சரக்கு ஆட்டோ, வேன், லாரி, பஸ் போன்ற வாகனங்கள் விற்பனையாகியுள்ளது. கோவை வடக்கு ஆர்.டி.ஓ. அலுவலகம் மூலமாக 9,691 வாகனங்களும், மேற்கு ஆர்.டி.ஓ. அலுவலகத்தில் 9,276 வாகனங்களும், வடக்கு ஆர்.டி.ஓ. அலுவலகத்தில் 11,525 வாகனங்களும், தெற்கு ஆர்.டி.ஓ. அலுவலகத்தில் 7,487 வாகனங்களும் பதிவாகி விற்கப்பட்டுள்ளது. கோவை மாவட்ட அளவில் இந்த வாகனங்கள் விற்பனை மூலமாக சுமார் 124 கோடி ரூபாய் வருவாய் கிடைத்துள்ளது.