பழநி, மே 22: அரசு கல்லூரிகளில் பணிமூப்பின் அடிப்படையில் முதல்வர் பொறுப்பு வழங்க வேண்டுமென கல்லூரி கல்வி இயக்ககம்
அறிவித்துள்ளது. அரசு உதவி பெறும் கல்லூரிகளில் முதல்வர் பதவியில் இருப்பவர்கள் ஓய்வு பெறும்போது, புதிதாக முதல்வர் நியமிக்கப்படும் வரை பொறுப்பு முதல்வர் நியமிக்கப்படுவது வழக்கம். தற்போது வரை நிர்வாக வசதிக்கேற்ப பொறுப்பு முதல்வர்கள் நியமிக்கப்பட்டு வந்தனர். இந்நிலையில் பொறுப்பு முதல்வர் நியமிப்பதற்கு புதிய வழிமுறைகளை கல்லூரி கல்வி இயக்ககம் அறிவித்துள்ளது.