பரமக்குடி, ஏப்.25: பார்த்திபனூர் அருகே பொன்னமராவதியில் ஒரு குறிப்பிட்ட சமூக பெண்களை இழிவாக பேசி வாட்ஸ்ஆப்பில் வெளியிட்டதற்கு எதிர்ப்பு தெரிவித்து சாலை மறியலில் ஈடுபட்ட 100 பேர் மீது போலீசார் வழக்குப்பதிவு செய்துள்ளனர். பொன்னமராவதியில் ஒரு குறிப்பிட்ட சமூக பெண்களை இழிவாக பேசி வாட்ஸ்ஆப்பில் வெளியிட்ட சம்பவத்தில் உண்மையான குற்றவாளிகளை கைது செய்ய கோரி நேற்று கமுதி-பார்த்திபனூர் நெடுஞ்சாலையில் வழிமறிச்சான் கிராமத்தை சேர்ந்த கிராமத்தினர் சாலைமறியலில் ஈடுபட்டனர்.
இதனால் போக்குவரத்து பாதிப்பு ஏற்பட்டது. பொதுமக்களுக்கு இடையூறு ஏற்படுத்தியதாக வழிமறிச்சான் கிராம நிர்வாக அலுவலர் சதீஸ்குமார் கொடுத்த புகாரின் பேரில், பார்த்திபனூர் போலீசார் வழிமறிச்சான் கிராமத்தை சேர்ந்த ஆண்கள்,பெண்கள் என 100 பேர் மீது வழக்குப்பதிவு செய்துள்ளனர்.
சாலை மறியல் செய்த 100 பேர் மீது வழக்கு
02:35 am Apr 25, 2019 |
