சென்னை: தென்சென்னை நாடாளுமன்ற தொகுதி திமுக வேட்பாளர் தமிழச்சி தங்கபாண்டியன், நீலாங்கரையில் உள்ள ஊராட்சி நடுநிலை பள்ளியில் நேற்று வாக்களித்தார். பின்னர், அவர் நிருபர்களிடம் கூறியதாவது: தமிழக மக்கள் மிகப்பெரிய மாற்றத்தை எதிர்பார்த்து, அதிகாலையில் இருந்து வரிசையில் காத்திருந்து உற்சாகமாக வாக்களித்தனர். அடுத்து திமுக ஆட்சிதான். ஏனென்றால் மகிழ்ச்சியோடும், பூரிப்போடும், உற்சாகத்தோடும் மாற்றத்தை நோக்கி வாக்களித்து விட்டு மக்கள் செல்வதை பார்க்கும்போது தெரிகிறது.