தேமுதிகவுடன் அதிமுகதான் பேச்சுவார்த்தை நடத்துகிறது - பொன்.ராதாகிருஷ்ணன் பேட்டி

நாகர்கோவில், பிப்.22: தேமுதிகவுடன் அதிமுகதான் கூட்டணி பேச்சுவார்த்தை நடத்துகிறது என்று பொன்.ராதாகிருஷ்ணன் கூறினார்.
நாகர்கோவிலில் மத்திய அமைச்சர் பொன்.ராதாகிருஷ்ணன் நிருபர்களிடம்  கூறியதாவது:தேமுதிகவுடன் கூட்டணி குறித்து அதிமுகதான் பேச்சுவார்த்தை நடத்தி வருகிறது. தேமுதிக தலைவர் விஜயகாந்த் நல்ல முடிவை விரைவில் அறிவிப்பார் என நம்புகிறேன்.  அதிமுக கூட்டணியில் பா.ஜனதாவிற்கு 5 இடங்களும், பாமகவிற்கு 7 இடங்களை அளித்துள்ளதை கூட்டணி என்ற கண்ேணாட்டத்தில் தான் பார்க்கிறேன்.கன்னியாகுமரி தொகுதியில், 1998 முதல் பா.ஜனதாவில் யாரும் போட்டி போட  கேட்கவில்லை. இதனை வைத்துதான் தளவாய்சுந்தரம் என்னை கன்னியாகுமரி வேட்பாளராக கூறியிருக்கலாம். குமரியில் கடந்த 4 ஆண்டுகளாக அனைத்து தரப்பினரும் பயன்பெறும் வகையில், நலத்திட்டங்களை கொண்டு வந்துள்ளேன். எனவே மத, இன வேறுபாடின்றி அனைத்து தரப்பினருமே பா.ஜனதாவிற்கு ஆதரவாக வாக்களிப்பார்கள். இவ்வாறு அவர் கூறினார். தொடர்ந்து பார்வதிபுரம் பாலம், மார்த்தாண்டம் பாலம் ஆகியவற்றை பார்வையிட்டு விட்டு, கன்னியாகுமரி சென்றார்.