தாம்பரம்: சேலையூர் பகுதிகளில் புதிதாக அமைக்கப்பட்ட 770 கண்காணிப்பு கேமராக்களை சென்னை மாநகர காவல் ஆணையர் தொடங்கி வைத்தார். சேலையூர் காவல் சரகத்துக்கு உட்பட்ட பகுதிகளில் குற்றச் சம்பவங்களை தடுக்கும் வகையில் 770 கண்காணிப்பு கேமராக்கள் அமைக்கப்பட்டுள்ளன. இதனை பயன்பாட்டிற்கு கொண்டுவரும் நிகழ்ச்சி நேற்று முன்தினம் மாலை நடந்தது. சென்னை மாநகர போலீஸ் கமிஷனர் ஏ.கே.விஸ்வநாதன் கலந்துகொண்டு 770 கண்காணிப்பு கேமராக்களை பயன்பாட்டிற்கு தொடங்கி வைத்தார்.நிகழ்ச்சியில், தெற்கு சட்டம் மற்றும் ஒழுங்கு கூடுதல் கமிஷனர் மகேஷ்குமார் அகர்வால், தெற்கு இணை கமிஷனர் மகேஸ்வரி, புனித தோமையர்மலை துணை கமிஷனர் முத்துசாமி, சேலையூர் உதவி கமிஷனர் வினோத் சுந்தரம், ஆய்வாளர்கள் செல்லப்பா, விஜயரங்கன் உள்ளிட்ட போலீசார், சமூக ஆர்வலர்கள், பொதுமக்கள் பலர் கலந்து கொண்டனர்.