மு.க.ஸ்டாலின் வருகையையொட்டி ஓசூரில் திமுக அவசர செயற்குழு கூட்டம்

ஓசூர், பிப்.15: திமுக தலைவர் மு.க.ஸ்டாலின் வருகிற 23ம் தேதி, வாக்குசாவடி முகவர்கள் ஆலோசனை கூட்டத்தில் கலந்து கொள்ள ஓசூர் வருகை தருகிறார். இதனை முன்னிட்டு, ஓசூரில் இன்று நகர திமுக செயற்குழு கூட்டம் நடக்கிறது. இதுகுறித்து நகர பொறுப்பாளர் சத்யா விடுத்துள்ள அறிக்கை: ஓசூர்-தளி சாலையில் அமைந்துள்ள சென்னீஸ் மஹாலில், ஓசூர் நகர திமுக அவசர செயற்குழு கூட்டம் இன்று(15ம் தேதி) மாலை 4 மணிக்கு நடைபெறுகிறது. கூட்டத்திற்கு நகர அவைத்தலைவர் கருணாநிதி தலைமை வகிக்கிறார். நிர்வாகிகள் முன்னிலை வகிக்கின்றனர். இதில் மாவட்ட செயலாளர் தளி.பிரகாஷ் எம்எல்ஏ, மாவட்ட துணை செயலாளர் முருகன் எம்எல்ஏ, கிருஷ்ணகிரி நாடாளுமன்ற தொகுதி பொறுப்பாளர் திருவிடைமருதூர் ராமலிங்கம் ஆகியோர் சிறப்பு அழைப்பாளர்களாக கலந்து கொள்கின்றனர். கூட்டத்தில் மாவட்ட நிர்வாகிகள், ஓசூர் வார்டு செயலாளர்கள், மேலவைப் பிரதிநிதிகள், வாக்கு சாவடி முகவர்கள், சார்பு அணிகளின் அமைப்பாளர்கள், துண அமைப்பாளர்கள் மற்றும் மூத்த முன்னோடிகள் அனைவரும் தவறாமல் கலந்து கொள்ள வேண்டும். இவ்வாறு அதில் தெரிவித்துள்ளார்.

× RELATED இன்று காஞ்சிபுரம் தெற்கு மாவட்ட திமுக...