வாக்குப்பதிவு இயந்திரத்தில் ‘டெமோ’

தேவதானப்பட்டி, பிப். 13: தேவதானப்பட்டி அருகே ஜெயமங்கலம் ஊராட்சியில் பொதுமக்களுக்கு வாக்குப்பதிவு இயந்திரத்தில் டெமோ செய்து அதிகாரிகள் காண்பித்தனர்.ஜெயமங்கலம் ஊராட்சி அலுவலகத்தில் வாக்குப்பதிவு இயந்திரம் பொதுமக்கள் டெமோ செய்து பார்ப்பதற்கு வைக்கப்பட்டது. இந்த இயந்திரத்தில் வாக்காளர் தாம் அளித்த வாக்கு குறித்து ஏற்படும் சந்தேகத்திற்கு தனி வட்டாட்சியர் குமார் விளக்கமாக பதிலளித்தார். ஏராளமான பொதுமக்கள் மாதிரி வாக்களித்து சந்தேகத்தினை கேட்டு தெரிந்துகொண்டனர். துணை வட்டார வளர்ச்சி அலுவலர் ராதாகிருஷ்ணன், விஏஓ சோனை, ஊராட்சிமன்ற செயலாளர் கோபாலகிருஷ்ணன் உடனிருந்தனர்.