புதினா சிக்கன் மசாலா

செய்முறை:  

முதலில் சிக்கனை நன்கு கழுவிக் கொள்ள வேண்டும். பின் மிக்சர் ஜாரில் புதினா மற்றும் பச்சை மிளகாயை சேர்த்து சிறிது நீரை ஊற்றி நன்கு அரைத்து தனியாக வைத்துக் கொள்ள வேண்டும். பின்பு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், பட்டை, கிராம்பு, பிரியாணி இலை சேர்த்து தாளிக்க வேண்டும். பிறகு அதில் வெங்காயத்தை சேர்த்து நிறம் மாற வதக்க வேண்டும். பின் அதில் இஞ்சி பூண்டு பேஸ்ட் சேர்த்து பச்சை வாசனை போக வதக்கி, அதன் பின் தக்காளியை சேர்த்து, சிறிது உப்பு தூவி வதக்க வேண்டும். பின்னர் அதில் மஞ்சள் தூள், மிளகாய் தூள் சேர்த்து நன்கு வதக்க வேண்டும்.அடுத்து அதில் கழுவிய சிக்கனை சேர்த்து கிளறி, 1/2 கப் நீரை ஊற்றி, சுவைக்கேற்ப உப்பு சேர்த்து கிளறி, மூடி வைத்து சிக்கனை வேக வைக்க வேண்டும். சிக்கன் பாதியாக வெந்ததும், அதில் அரைத்து வைத்துள்ள புதினா பேஸ்ட்டை சேர்த்து கிளறி, சிக்கனை நன்கு வேக வைக்க வேண்டும். சிக்கன் நன்கு மென்மையாக வெந்ததும், அதில் மிளகுத் தூளைத் தூவி கிளறி, இறக்கினால், சுவையான புதினா சிக்கன் மசாலா தயார்.