சேலம், ஜன.11: சேலம் மாநகர் மாவட்ட அதிமுக ஆலோசனை கூட்டம் புதிய பஸ் ஸ்டாண்ட் அருகேயுள்ள அதிமுக கட்சி அலுவலகத்தில் நடந்தது. கூட்டத்துக்கு மாவட்ட செயலாளர் வெங்கடாஜலம் தலைமை வகித்தார். சேலம் நாடாளுமன்ற உறுப்பினர் பன்னீர்செல்வம், சேலம் தெற்கு சட்டமன்ற உறுப்பினர் சக்திவேல், முன்னாள் சட்டமன்ற உறுப்பினர் செல்வராஜ், முன்னாள் மேயர் சவுண்டப்பன், துணை மேயர் நடேசன் உள்பட பகுதி செயலாளர்கள், கட்சி நிர்வாகிகள், ெதாண்டர்கள் பலர் கலந்து கொண்டனர். கூட்டத்தில், மாநகர் மாவட்ட செயலாளர் வெங்கடாஜலம் பேசியதாவது:
சேலம் அண்ணா பூங்காவில் அமைக்கப்பட்டுள்ள முன்னாள் முதல்வர்கள் எம்ஜிஆர், ஜெயலலிதா மணிமண்டபம் திறப்பு விழா வரும் 16ம் தேதி காலை நடக்கிறது. இவ்விழாவில் கலந்து கொள்ள முதல்வர் எடப்பாடி பழனிசாமி வரும் 13ம் தேதி சேலம் வருகை தருகிறார்.