திண்டிவனம், ஜன. 11:  தமிழகம் முழுவதும் பிளாஸ்டிக் பொருட்களை பயன்படுத்த கடந்த 1ம் தேதி முதல் தடை விதிக்கப்பட்டுள்ளது. இருப்பினும் பல்வேறு பகுதிகளில் பிளாஸ்டிக் பொருட்கள் கடைகள் மற்றும் வணிக வளாகங்களில் பயன்படுத்தப்பட்டு வருவதாக கூறப்படுகிறது.இந்நிலையில், திண்டிவனம் நகராட்சி கமிஷனர் பிரகாஷ், துப்புரவு ஆய்வாளர் ராமநாதன், துப்புரவு அலுவலர் லிப்டன் சேகர் ஆகியோர் பிளாஸ்டிக் பொருட்கள் பயன்படுத்தப்படுகிறதா என பல்வேறு கடைகள் மற்றும் வணிக வளாகங்களில் ஆய்வு செய்தனர். இதில் பிளாஸ்டிக் பயன்படுத்திய ஒரு சில கடைகளில் இனிமேல் பயன்படுத்தக்கூடாது என எச்சரிக்கை விடுத்தனர்.