திருக்கனூர், டிச. 18: புதுச்சேரி காவல் துறையில் சட்டம் ஒழுங்கு, போக்குவரத்து காவல், சைபர் கிரைம், மகளிர் பிரிவு உள்ளிட்ட பல்வேறு பிரிவுகள் உள்ளன. இதில் குற்ற வழக்குகளை சட்டம் ஒழுங்கு போலீசாரும், சாலை விபத்துகளை போக்குவரத்து போலீசாரும் வழக்கு பதிவு செய்து விசாரணை நடத்துகின்றனர். ஆனால், கிராமப்புற காவல்நிலையங்களில், கடந்த 10 ஆண்டுகளுக்கு முன்பு வரை குற்ற வழக்குகள் மற்றும் போக்குவரத்து வழக்குகளை சட்டம் ஒழுங்கு போலீசாரே பதிவு செய்து வந்தனர். இந்நிலையில் நகரப்பகுதியை தொடர்ந்து கிராமப்புறங்களிலும் சாலை விபத்துக்கள, போக்குவரத்து நெரிசல் அதிகரித்ததால் போக்குவரத்து காவல் பிரிவு கிழக்கு, வடக்கு, தெற்கு என விரிவுபடுத்தப்பட்டது. அதன்படி, வில்லியனூரில் தெற்கு போக்குவரத்து காவல்நிலையம் அமைக்கப்பட்டது. இங்கு திருக்கனூர், வில்லியனூர், நெட்டப்பாக்கம் ஆகிய பகுதிகளில் நடைபெறும் விபத்துகள் பதிவு செய்யப்பட்டு வந்தது. இந்நிலையில் திருக்கனூர், நெட்டப்பாக்கம் உள்ளிட்ட கிராமப்புற பகுதிகள் வில்லியனூரில் உள்ள போக்குவரத்து காவல் நிலையத்திலிருந்து 20 கி.மீ. தூரத்துக்கு மேல் உள்ளன. இப்பகுதிகளில் சாலை விபத்துகள், போக்குவரத்து நெரிசலை ஏற்பட்டால், பொதுமக்கள் வில்லியனூரில் உள்ள போக்குவரத்து காவல் நிலையத்துக்கு தகவல் தெரிவிக்க வேண்டும். பின்னர் அங்கிருந்து சம்மந்தப்பட்ட பகுதியில் உள்ள காவல்நிலையங்களுக்கு போக்குவரத்து போலீசார் தகவல் தெரிவிக்கின்றனர். உடனே காவல் நிலையத்திலிருந்து ஒரு காவலர் சம்பவ இடததுக்கு அனுப்பி வைக்கின்றனர். அந்த காவலர் சம்பவ இடத்துக்கு சென்று போக்குவரத்து காவலர் வரும் வரை பணியில் ஈடுபடும் நிலை
உள்ளது.