திருச்சி, டிச.18: ஸ்டெர்லைட் ஆலை திறப்புக்கு எதிராக திருச்சியில் மக்கள் அதிகாரம் அமைப்பினர் தபால்நிலையத்தை முற்றுகையிட்டு போராட்டம் நடத்தினர். இதில் 37 பேரை போலீசார் கைது செய்தனர்.தூத்துக்குடி ஸ்டெர்லைட் ஆலையை திறக்க பசுமை தீர்ப்பாயம் உத்தரவிட்டுள்ளது. இந்த தீர்ப்பு அநீதியானது, ஸ்டெர்லைட் ஆலையை நிரந்தரமாக மூட சட்டம் இயற்ற வேண்டும் என வலியுறுத்தி மக்கள் அதிகாரம் திருச்சி மண்டலம் சார்பில் ஏராளமானோர் திரண்டு, தூத்துக்குடி துப்பாக்கி சூட்டில் இறந்த 13 பேரின் படங்களை முகமூடியாக அணிந்து மண்டல ஒருங்கிணைப்பாளர் செழியன் தலைமையில் பேரணியாக தலைமை தபால் நிலையம் நோக்கி வந்தனர்.