அதிமுக 47ம் ஆண்டு துவக்கம் கோயிலில் சிறப்பு பூஜை

சேலம், அக்.18: அதிமுக 47வது ஆண்டு துவக்கத்தையொட்டி சேலத்தில் கோவிலில் சிறப்பு பூஜை நடத்தி, பொதுமக்களுக்கு அதிமுகவினர் இனிப்பு வழங்கினர்.அதிமுகவின் 47வது ஆண்டு துவக்க நாளை முன்னிட்டு சேலம் மாநகர் மாவட்ட அதிமுக சார்பில் ராஜகணபதி கோயிலில் சிறப்பு பூஜைகள் நடந்தன. மாநகர் மாவட்ட அதிமுக செயலாளர் வெங்கடாசலம் எம்எல்ஏ தலைமை தாங்கினார். அவைத்தலைவர் பன்னீர்செல்வம் எம்பி, சக்திவேல் எம்எல்ஏ முன்னிலை வகித்தனர். முன்னாள் மேயர் சவுண்டப்பன், முன்னாள் துணை மேயர் நடேசன், கூட்டுறவு தலைவர் கே.சி.செல்வராஜ், முன்னாள் மாவட்ட செயலாளர்கள் பாலகிருஷ்ணன், கிருஷ்ணமூர்த்தி, மகளிரணி செயலாளர் ஜமுனாராணி, உமாராஜ், பாமாகண்ணன், பாலு உள்பட நிர்வாகிகள் கலந்து கொண்டனர். சிறப்பு பூஜை முடிந்ததும் சர்க்கரை பொங்கலும், லட்டும் வழங்கப்பட்டது.