ஆர்.எம்.ஜெயின் பள்ளியில் வாழ்வு வளமடைய தன்னம்பிக்கை விழா

திருவள்ளூர், அக்.12: திருவள்ளூர்  ஆர்.எம்.ஜெயின் பள்ளியில், வாழ்வு வளமடைய ‘‘தன்னம்பிக்கை விழா’’ நேற்று நடைபெற்றது.விழாவிற்கு பள்ளி தாளாளர் என்.சி.தரன் தலைமை வகித்தார். பி.பதம்சந்த் ஜெயின், எஸ்.விமல்சந்த் ஜெயின் ஆகியோர் முன்னிலை வகித்தனர். வாழ்வு வளமடைய அனைவருக்கும் தன்னம்பிக்கை தேவை. மக்களிடம் தன்னம்பிக்கை இல்லாத காரணத்தினால் வாழ்வில் தோல்வியுறும்போது தவறான முடிவுகளுக்குச் சென்று விடுகின்றனர்.இதையடுத்து மக்களுக்கு தன்னம்பிக்கை ஊட்ட விழிப்புணர்வு ஏற்படுத்தும் வகையில் நடைபெற்ற இந்நிகழ்ச்சியில், சமணத்துறவி வினோத்முனி, நடிகர் மதன் பாப், மாவட்ட எஸ்.பி., ஆர்.பொன்னி ஆகியோர் கலந்து கொண்டு சிறப்புரை ஆற்றினர்.முன்னதாக பொதுமக்களுக்கு விழிப்புணர்வு ஏற்படுத்தும் வகையில், பள்ளி மாணவர்கள் கலந்து கொண்ட பேரணி நடைபெற்றது. தொடர்ந்து, பொதுமக்கள், பள்ளி மாணவர்கள் தன்னம்பிக்கை உறுதி மொழி ஏற்றனர். முடிவில், பள்ளி அறங்காவலர் கிஷோர் குமார் ஜெயின் நன்றி கூறினார்.