மதுரை, செப். 19: மதுரை தெற்கு கோட்டத்தைச் சார்ந்த மின் நுகர்வோர்களுக்கான குறைதீர்க்கும் கூட்டம், மின்வாரிய மேற்பார்வை பொறியாளர்(மெட்ரோ) தலைமையில் நாளை(செப்.20) நடக்கிறது. தெற்குகோட்ட செயற்பொறியாளர் அலுவலகத்தில் காலை 11 மணி முதல் பிற்பகல் 1 மணி வரை நடக்கும் இக்கூட்டத்தில், கோட்டத்திற்கு உட்பட்ட சுப்பிரமணியபுரம், ஆரப்பாளையம், தமிழச்சங்கம், யானைக்கல், டவுன்ஹால், கோயில், மாகாளிபட்டி, மகால், ஜான்சி ராணி பூங்கா, அரசமரம், தெப்பக்குளம், கீழவாசல், முனிச்சாலை, சிந்தாமணி மற்றும் அனுப்பானடி பகுதிகளை சேர்ந்தவர்கள் கலந்து கொண்டு புகார் தெரிவிக்கலாம்.