சென்னை: ஈரோடு கிழக்கு தொகுதி இடைத்தேர்தல் பிரசாரத்தில், அதிமுக வேட்பாளருக்கு ஆதரவாக பிரசாரம் செய்ய, ஓபிஎஸ்சை அழைப்பது குறித்து, கட்சி மேலிடம் தான் முடிவு செய்யும் என்று அதிமுக அவைத் தலைவர் தமிழ் மகன் உசேன் கூறினார். ஈரோடு கிழக்கு தொகுதி இடைத்தேர்தல் வரும் 27ம் தேதி நடைபெற உள்ளது. திமுக கூட்டணி சார்பில் ஈவிகேஎஸ் இளங்கோவன் அறிவிக்கப்பட்டுள்ளார். அதிமுகவில் ஏற்பட்டுள்ள பிளவு காரணமாக வேட்பாளர்களை அறிவிப்பதில் குழப்பம் நீடித்தது. இதையடுத்து உச்சநீதிமன்ற உத்தரவுபடி பொதுக்குழு உறுப்பினர்களின் ஒப்புதல் படிவத்துடன் நேற்று அதிமுக அவைத் தலைவர் தமிழ்மகன் உசேன் டெல்லி சென்றார்.