கோவை: கோவையில் கடந்த அக்டோபர் 23ம் தேதி கார் வெடித்து துணி வியாபாரி ஜமேஷா முபின் பலியானார். இந்த வழக்கு தொடர்பாக அவரது வீட்டில் கைப்பற்றப்பட்ட வெடி பொருட்கள் நேற்று சூலூரில் உள்ள ராணுவ வெடிமருந்து திரி தயாரிக்கும் தொழிற்சாலையில் வெடிக்க வைத்து செயல் இழக்கச் செய்யப்பட்டது. ஜமேஷா முபின், 2017ல் காது கேட்காத, பேச முடியாத மாற்று திறனாளி பெண்ணை திருமணம் செய்துள்ளார். இவர்களுக்கு 2 பெண் குழந்தைகள் உள்ளனர். ஜமேஷா முபின் இறந்த பின்னரே அவரின் செயல்பாடுகள் மனைவிக்கு தெரியவந்ததாக கூறப்படுகிறது.