மதுரை: மதுரை எய்ம்ஸ் மருத்துவமனைக்கு அடிக்கல் நாட்டி நேற்றுடன் 4 ஆண்டுகள் நிறைவடைந்த நிலையில், ‘ஒரே இந்தியாவின் அடையாளம் ஒரே செங்கல்தானா?’ என பிரதமர் மோடிக்கு மதுரை எம்பி சு.வெங்கடேசன் கேள்வி எழுப்பியுள்ளார். மதுரை எய்ம்ஸ் மருத்துவமனைக்கு கடந்த 2019, ஜன.27ல் அடிக்கல் நாட்டப்பட்டது. ஆனால், இதுவரை கட்டுமான பணிகள் தொடங்கப்படவில்லை. இதுகுறித்து கடைசியாக ஆர்டிஐ மூலம் பெறப்பட்ட நிலவர விபரங்களில், ‘மொத்த திட்ட தொகை ரூ.1,977.8 கோடியாகும். ஜப்பான் நிறுவனமான ஜிகா ரூ.1,621.8 கோடி வழங்குகிறது. அதாவது, ஜிகா 82 சதவீதம் தொகையும், ஒன்றிய அரசானது 18 சதவீத தொகையும் வழங்குகின்றன.