சென்னை: தங்கம் விலை கடந்த சில மாதங்களாக ஏற்றம், இறக்கத்துடன் காணப்பட்டு வருகிறது. கடந்த மாதம் 29ம் தேதி ஒரு கிராம் தங்கம் ரூ.4,916க்கும், சவரன் ரூ.39,328க்கு விற்கப்பட்டது. 30ம் தேதி தங்கம் விலை அதிகரித்தது. அன்றைய தினம் தங்கம் விலை கிராமுக்கு ரூ.20 அதிகரித்து ஒரு கிராம் ரூ.4,936க்கும், சவரனுக்கு ரூ.160 அதிகரித்து ஒரு சவரன் ரூ.39,488க்கும் விற்கப்பட்டது. நேற்று முன்தினம் தங்கம் விலை கிராமுக்கு ரூ.19 அதிகரித்து ஒரு கிராம் ரூ.4,955க்கும், சவரனுக்கு ரூ.152 அதிகரித்து ஒரு சவரன் ரூ.39,640க்கும் விற்கப்பட்டது. நேற்று காலையில் மட்டும் தங்கம் விலை கிராமுக்கு ரூ.55 அதிகரித்து ஒரு கிராம் ரூ.5,010க்கும், சவரனுக்கு ரூ.440 அதிகரித்து ஒரு சவரன் ரூ.40,080க்கும் விற்க்கப்பட்டது.