புதுடெல்லி: உலகமே பொருளாதார வீழ்ச்சியால் தடுமாறிக் கொண்டிருக்கும் நிலையில், இந்தியாவில் மட்டும் பணக்காரர்கள் சொத்து மதிப்பு பல மடங்கு எகிறியிருக்கிறது என்பதை போர்ப்ஸ் இதழ் பட்டியல் போட்டு காட்டி உள்ளது. அமெரிக்காவின் போர்ப்ஸ் இதழ், இந்தியாவின் டாப்-100 பணக்காரர்கள் பட்டியலை வெளியிட்டுள்ளது. இதில், இந்த ஆண்டு முதல் 100 பணக்காரர்களின் மொத்த சொத்து மதிப்பு ரூ.2 லட்சம் கோடி அதிகரித்து, ரூ.64 லட்சம் கோடியை தொட்டுள்ளதாக தெரிவிக்கப்பட்டுள்ளது. டாப்-10 பணக்காரர்களின் சொத்து மதிப்பு மட்டுமே ரூ.30.8 லட்சம் கோடியாக உள்ளது. இப்பட்டியலில் குஜராத்தின் கவுதம் அதானி முதல் இடத்தை பிடித்துள்ளார். இவரது சொத்து மதிப்பு ரூ.12 லட்சம் கோடி.