திருவொற்றியூர்: மாதவரம் மண்டலம் சார்பில் வடகிழக்கு பருவமழை முன்னெச்சரிக்கை பணிகள் குறித்து கலந்தாய்வு கூட்டம் மாதவரத்தில் நடைபெற்றது. மண்டல குழு தலைவர் நந்தகோபால் தலைமை வகித்தார். மழைக்கால சிறப்பு அதிகாரி சந்திப்நந்தூரி பங்கேற்று, மண்டலம் முழுவதும் நடைபெற்று வரும் மழைக்கால முன்னெச்சரிக்கை பணிகள் குறித்து அதிகாரியிடம் கேட்டறிந்தார். கூட்டத்தில் கலந்துகொண்ட கவுன்சிலர்கள், மழைக்காலத்தில் மீட்பு பணிகளை மேற்கொள்ள பொக்லைன் மற்றும் பாதுகாப்பு இயந்திரங்கள், தேவையான ஊழியர்கள் தங்கள் வார்டுகளுக்கு கொடுக்க வேண்டும் என்று கோரிக்கை வைத்தனர்.