மும்பை: அமெரிக்க டாலருக்கு நிகரான இந்திய ரூபாயின் மதிப்பு வரலாறு காணாத அளவில் வீழ்ச்சி அடைந்துள்ளது. கடந்த ஒரு வார காலமாகவே இந்தியாவில் லாடற்கு நிகரான இந்திய ரூபாயின் மதிப்பு மளமளவென சரிந்து தினமும் ஒரு வரலாற்று உச்சத்தை எட்டி வருகிறது. நேற்று அமெரிக்க டாலருக்கு நிகரான மதிப்பு 81.90 காசுகளாக இருந்தது. இந்நிலையில் இன்று காலை வர்த்தகம் தொடங்கியதும் மேலும் 32 காசுகள் வீழ்ச்சி அடைந்து டாலர் ஒன்று 82 ரூபாய் 22 காசுகள் என்ற புதிய வரலாற்று வீழ்ச்சியை கண்டுள்ளது. கடந்த செப்டம்பர் மாதம் 30ம் தேதி அமெரிக்க டாலருக்கு நிகரான இந்திய ரூபாயின் மதிப்பு 79.80 காசுகளாக இருந்தது குறிப்பிடத்தக்கது.