மும்பை: ஆடை வியாபாரத்தை தொடங்கியிருக்கிறார் நடிகை அலியா பட். இந்தியில் பல படங்களில் நடித்துள்ள அலியா பட், தெலுங்கில் ராஜமவுலி இயக்கிய ஆர்ஆர்ஆர் படத்தில் ஹீரோயினாக நடித்தார். பாலிவுட் நடிகர் ரன்பீர் கபூரை காதலித்து மணந்தார். தற்போது அலியா பட், கர்ப்பமாக இருக்கிறார். சமீபத்தில் ஆடை வியாபாரத்தை அவர் தொடங்கியிருக்கிறார். முதல் கட்டமாக குழந்தைகள், சிறுவர், சிறுமியர்களுக்கான ஆடைகளை அவர் விற்பனைக்காக கொண்டு வந்தார். இந்நிலையில் இப்போது கர்ப்பிணி பெண்களுக்கான மகப்பேறு ஆடைகளையும் வியாபாரத்துக்கு கொண்டு வந்துள்ளார்.