×

பொது அமைதிக்கு குந்தகம் விளைவிப்போரை இரும்புக்கரம் கொண்டு அடக்க ஓ.பன்னீர்செல்வம் வலியுறுத்தல்

சென்னை: பொது அமைதிக்கு குந்தகம் விளைவிப்பவர்களை கண்டறிந்து, இரும்புக் கரம் கொண்டு அவர்களை அடக்க வேண்டும் என்று ஓ.பன்னீர்செல்வம் வலியுறுத்தியுள்ளார். இது குறித்து அவர் வெளியிட்டுள்ள அறிக்கை:  கடந்த இரண்டு, மூன்று நாட்களாக பாஜ அலுவலகங்கள், ஆர்.எஸ்.எஸ்.அலுவலகங்கள் மற்றும் அதன் நிர்வாகிகளின் வீடுகள் மீது பெட்ரோல் குண்டு வீச்சு நடைபெற்று வருகிறது. முதலில் கோவையில் தொடங்கிய இந்த பெட்ரோல் குண்டு வீச்சு, ஈரோடு, ராமநாதபுரம், மதுரை, திண்டுக்கல், செங்கல்பட்டு, சேலம், திருப்பூர், கன்னியாகுமரி என தமிழ்நாடு முழுவதும் பரவியுள்ளது. இதில் அப்பாவி மக்களின் வாகனங்கள் சேதமடைந்துள்ளதாகவும் தகவல்கள் வந்துள்ளன. பொது அமைதிக்கு குந்தகம் விளைவிக்கும் இந்தச் செயலுக்கு அதிமுக சார்பில் கடும் கண்டனத்தைத் தெரிவித்துக் கொள்கிறேன். இந்த நிலை தொடர்ந்தால், சட்டம்-ஒழுங்கு மட்டுமல்லாமல், நாட்டின் பொருளாதாரம், தொழில் வளர்ச்சியும் சீரழியும் நிலைமை உருவாகும். பொது அமைதிக்கு குந்தகம் விளைவிக்கும் செயல்களில் ஈடுபடுவோரைக் கண்டறிந்து அவர்களை இரும்புக் கரம் கொண்டு அடக்க வேண்டும்.


Tags : O. Panneerselvam , O. Panneerselvam insists on suppressing those who harm public peace with an iron hand
× RELATED மின் இணைப்புடன் ஆதார் எண் இணைத்தால்...