சென்னை: விருகம்பாக்கம் வேம்புலி அம்மன் கோயில் அருகே உள்ள தாங்கல் தெருவில் பாங்க் ஆப் இந்தியா வங்கியின் கிளை இயங்கி வருகிறது. முன்னாள் ராணுவ வீரர் வீரசுந்தர்ராஜ் என்பவருக்கு சொந்தமான 2 மாடி கட்டிடத்தின் தரை தளத்தில், வாடையில் இந்த வங்கி இயங்கி வருகிறது. இங்கிருந்து நேற்று அதிகாலை 2 மணிக்கு கரும் புகை வெளியாறியது. இதை பார்த்த அக்கம் பக்கத்தினர், உடனே தீயணைப்பு நிலையத்திற்கு தகவல் அளித்தனர். அதற்குள் தீ மளமளவென வங்கி முழுவதும் பரவியது. கீழ்ப்பாக்கம், கோயம்பேடு பகுதியில் இருந்து விரைந்து வந்த தீயணைப்பு வீரர்கள், துரிதமாக செயல்பட்டு வங்கியில் பற்றிய தீயை கட்டுப்படுத்தினர்.