மேலும் 5 ராமேஸ்வரம் மீனவர்கள் கைது: இலங்கை கடற்படை தொடர்ந்து அட்டூழியம்..!

கொழும்பு: 5 ராமேஸ்வரம் மீனவர்களை இலங்கை கடற்படை கைது செய்தது. காரைக்கால் மீன்பிடி துறைமுகத்தில் இருந்து 12 மீனவர்கள் கடலுக்கு மீன் பிடிக்க கடந்த 1ம் தேதி சென்றனர். இந்நிலையில் நேற்று பிற்பகல் நாகை மாவட்டம் வேதாரண்யம் அருகே இந்திய கடல் எல்லையில் 12 பேரும் மீன் பிடித்து கொண்டிருந்தனர். அப்போது அங்கு வந்த இலங்கை கடற்படையினர், எல்லை தாண்டி மீன் பிடித்ததாக அங்கு மீன் பிடித்து கொண்டிருந்த 12 மீனவர்களை சிறைபிடித்து கைது செய்தனர். மேலும் மீனவர்களின் விசைப்படகை பறிமுதல் செய்தனர். இந்நிலையில் மேலும் 5 ராமேஸ்வரம் மீனவர்களை இலங்கை கடற்படை கைது செய்தது.

இன்று காலை ராமேஸ்வரம் துறைமுகத்தில் இருந்து 500க்கும் மேற்பட்ட மீனவர்கள் விசைப்படகுகளில் மீன்பிடிக்க சென்றனர். அப்போது எல்லை தாண்டி மீன்பிடித்ததாக கூறி 5 ராமேஸ்வரம் மீனவர்களை இலங்கை கடற்படை கைது செய்தது. மேலும் அவர்களிடம் இருந்த உடமைகளையும் பறிமுதல் செய்தனர். கைது செய்யப்பட்ட 5 மீனவர்களையும் காங்கேசந்துறை கடற்படை முகாமுக்கு அழைத்து செல்லப்படுகின்றனர். மீன்பிடி தடைக்காலம் முடிந்து தற்போது மீண்டும் கடலுக்கு சென்ற மீனவர்களை இலங்கை கடற்படையினர் கைது செய்துள்ள சம்பவம் அதிர்ச்சியை ஏற்படுத்தியுள்ளது.

Related Stories: