சென்னை : சென்னை மீனம்பாக்கம் விமான நிலையத்தில் அதிக விமானங்களை கையாளும் வகையில், 2 ஓடுபாதைகளையும் ஒரே நேரத்தில் பயன்படுத்த நடவடிக்கைகள் மேற்கொள்ளப்பட்டுள்ளன. விமான நிலையத்தில் 3.66 கிமீ நீள பிரதான ஓடுபாதை பெரிய விமானங்கள் தரை இறங்கவும் புறப்படவும் பயன்படுத்தப்படுகிறது. 2.89 கிமீ நீளமுள்ள மற்றொரு ஓடுபாதையில் 76 பயணிகளுக்கும் குறைவாக உள்ள சிறிய விமானங்கள் இயக்கப்படுகின்றன. இந்த நிலையில் இந்த 2 ஓடுபாதைகளையும் ஒரே நேரத்தில் இயக்கி மணிக்கு 50 விமானங்களை கையாள விமான நிலைய நிர்வாகம் முடிவு செய்துள்ளது.