தங்கம் விலை சவரனுக்கு 160 அதிகரிப்பு

சென்னை: தங்கம் விலை நேற்று சவரனுக்கு 160 அதிகரித்தது.தங்கம் விலை கடந்த சில மாதங்களாக ஏற்றம் இறக்கத்துடன் காணப்பட்டு வருகிறது. கடந்த 20ம் தேதி தங்கம் விலை கிராமுக்கு 10 அதிகரித்து ஒரு கிராம் 4,775க்கும், சவரனுக்கு 80 அதிகரித்து ஒரு சவரன் 38,200க்கு விற்கப்பட்டது. 21ம் தேதி தங்கம் விலை சற்று குறைந்தது. கிராமுக்கு 10 குறைந்து ஒரு கிராம் 4,765க்கும், சவரனுக்கு 80 குறைந்து ஒரு சவரன் ₹38,120க்கும் விற்கப்பட்டது. 2வது நாளாக நேற்று முன்தினமும் தங்கம் விலை சரிவை சந்தித்தது. அதாவது கிராமுக்கு 20 குறைந்து ஒரு கிராம் 4,745க்கும், சவரனுக்கு 160 குறைந்து ஒரு சவரனுக்கு 37,960க்கும் விற்கப்பட்டது.

தொடர்ச்சியாக 2 நாட்களில் மட்டும் தங்கம் விலை சவரனுக்கு 240 அளவுக்கு குறைந்தது. இது நகை வாங்குவோருக்கு மகிழ்ச்சியை ஏற்படுத்தியிருந்தது. இந்த நிலையில் நேற்று தங்கம் விலையில் மாற்றம் காணப்பட்டது. அதாவது, கிராமுக்கு 20 அதிகரித்து ஒரு கிராம் 4,765க்கும், சவரனுக்கு 160 அதிகரித்து ஒரு சவரன் 38,120க்கும் விற்கப்பட்டது. 2 நாட்களாக குறைந்து வந்த நிலையில் தங்கம் விலை மீண்டும் அதிகரித்து இருப்பது நகை வாங்குவோரை சற்று கலக்கமடைய செய்துள்ளது.

Related Stories: