புதுடெல்லி: ‘மதரஸா என்ற வார்த்தைக்கு முடிவு கட்ட வேண்டும், குர்ஆனை வீட்டில் மட்டும் சொல்லித் தர வேண்டும்’ என அசாம் முதல்வர் ஹிமந்தா பிஸ்வா சர்மா கூறி உள்ளார்.அசாம் மாநில பாஜ முதல்வரான ஹிமந்தா பிஸ்வா, டெல்லியில் நடந்த நிகழ்ச்சி ஒன்றில் பேசியதாவது: மதரஸாவில் படித்தால் நீங்கள் டாக்டர், இன்ஜினியர் ஆக முடியாது என குழந்தைகளிடம் சொல்லிப் பாருங்கள், அவர்களே மதரஸாவுக்கு போக மாட்டார்கள். மதரஸா என்ற வார்த்தைக்கே முடிவு கட்ட வேண்டும். குழந்தைகளுக்கு குர்ஆன் கற்றுக் கொடுங்கள். ஆனால் அதை உங்கள் வீட்டில் மட்டும் வைத்து கற்றுக் கொடுங்கள். பள்ளிக்கூடங்களில் பொதுவான கல்வி கற்பிக்கப்பட வேண்டும். முஸ்லிம் குழந்தைகளும் புத்திச்சாலியாக இருக்கிறார்கள்.