திருவள்ளூர்: திருவள்ளூர் மாவட்டத்தில் பணிபுரியும் 1997 பேட்சை சேர்ந்த 51 போலீசார் தாங்கள் பணியில் சேர்ந்து 25 ஆண்டுகள் நிறைவடைந்தது. இதனையடுத்து அவர்களுக்கு சிறப்பு சப்-இன்ஸ்பெக்டர்களாக பதவி உயர்வு வழங்கப்பட்டது.தற்போது அவர்களுக்கு 26வது ஆண்டு தொடங்கியதை முன்னிட்டு அனைவரும் ஒன்றுகூடி கொண்டாட திட்டமிட்டனர். இதற்காக 51 சிறப்பு சப்-இன்ஸ்பெக்டர்களும் தங்களது அதிகாரிகளிடம் அனுமதி பெற்று இருந்தனர்.

இதனையடுத்து அனைவரும் மணவாள நகர் பகுதியில் உள்ள தனியார் திருமணத்தில் ஒன்று கூடி தங்களது பணிச்சூழல், பணி நெருக்கடி, பணி சவால்கள், பணித்திறன்கள், குடும்ப சூழ்நிலை, எதிர்கொள்ளும் சவால்கள் ஆகிய விஷயங்களை மனம் விட்டு பேசிக்கொண்டனர். ஆண்டுதோறும் ஒரு சில மணி நேரமாவது தாங்கள் ஒன்று கூடி இதுபோன்று கொண்டாட வேண்டும் என அவர்கள் முடிவு செய்துள்ளனர்.