மும்பை: மும்பை இந்தியன்ஸ் அணியுடனான ஐபிஎல் லீக் ஆட்டத்தில், ராவ்மன் பாவெல் அதிரடி ஆட்டதால் டெல்லி கேப்பிடல்ஸ் கணிசமாக ரன் குவித்தது. வாங்கடே மைதானத்தில் நேற்று இரவு நடந்த இப்போட்டியில், டாஸ் வென்ற மும்பை இந்தியன்ஸ் கேப்டன் ரோகித் ஷர்மா முதலில் பந்துவீச முடிவு செய்தார். பிரித்வி ஷா, டேவிட் வார்னர் இருவரும் டெல்லி இன்னிங்சை தொடங்கினர். வார்னர் 5 ரன் எடுத்து சாம்ஸ் பந்துவீச்சில் பும்ரா வசம் பிடிபட்டார். அடுத்து வந்த மிட்செல் மார்ஷ் சந்தித்த முதல் பந்திலேயே கோல்டன் டக் அவுட்டாகி வெளியேற, டெல்லிக்கு அதிர்ச்சி தொடக்கமாக அமைந்தது. பிரித்வி ஷா 24 ரன் (23 பந்து, 2 பவுண்டரி, 1 சிக்சர்) விளாசி பும்ரா வேகத்தில் விக்கெட் கீப்பர் இஷான் கிஷன் வசம் பிடிபட்டார். சர்பராஸ் கான் 10 ரன்னில் பெவிலியன் திரும்ப, டெல்லி அணி 8.4 ஓவரில் 50 ரன்னுக்கு 4 விக்கெட் இழந்து தடுமாறியது.