சாமியார்மடம்: சாமியார்மடம் சந்திப்பு பகுதியில் தேசிய நெடுஞ்சாலையில் பத்மநாபபுரம் கூட்டுக் குடிநீர் திட்டத்திற்கு பதிக்கப்பட்ட ராட்சத குழாயில் நேற்று மதியம் திடீரென உடைப்பு ஏற்பட்டது. இரைச்சலோடு சுமார் 25 அடி உயரத்திற்கு நீரூற்று போல் தண்ணீர் பீறிட்டு பொங்கியது. இதனால் அந்தப் பகுதி முழுவதும் வெள்ளக்காடாக மாறியது. குழாயில் உடைப்பு ஏற்பட்ட இடத்திற்கு அருகே மின்சார கம்பி செல்கிறது. தண்ணீர் மின் கம்ப உயரத்துக்கு பீய்ச்சி அடித்தது என்றாலும் மின்சார வயரில் படவில்லை. என்றாலும் அசம்பாவிதம் ஏற்பட்டுவிடுமோ என்று பொதுமக்கள் அஞ்சினர்.