சென்னை, ஜன. 29: தி.நகர் திருப்பதி தேவஸ்தான கோயில் சார்பில் செயல்படுத்தப்படும் திட்டங்களுக்கு ரூ.2 கோடியை நன்கொடையாக 2 பக்தர்கள் தலா ஒரு கோடி வீதம் வழங்கியதாக தமிழக தலைவர் ஏ.ஜெ.சேகர் ரெட்டி தெரிவித்தார். சென்னை தி.நகரில் திருப்பதி தேவஸ்தான கோயில் உள்ளது. இக்கோயிலுக்கு சென்னை மட்டுமன்றி பல்வேறு பகுதிகளில் இருந்து ஏராளமான பக்தர்கள் சுவாமி தரிசனம் செய்ய வருகின்றனர். புத்தாண்டு உள்ளிட்ட முக்கிய நாட்களில் கூட்டம் அலைமோதும். அவ்வாறு வரும் பக்தர்கள் கோயிலுக்கு தானமாக தங்கம், வெள்ளி நகை போன்ற பொருட்களை வழங்குகின்றனர். அதேபோன்று கோயிலின் வளர்ச்சிக்காகவும் நன்கொடையாகவும் பக்தர்கள் நன்கொடைகளை வாரி வழங்கி வருகின்றனர்.