புதுடெல்லி: நாடாளுமன்றத்தின் இரு அவைகளின் நடவடிக்கைகளை 2 தொலைக்காட்சி சேனல்கள் தனித்தனியாக ஒளிபரப்பி வந்தன. தற்போது அவை ஒன்றிணைக்கப்பட்டு, ஒரே சேனலில் ஒளிபரப்பு செய்யப்படுகிறது. இந்நிலையில், நாடாளுமன்றத்தின் அனைத்து நடவடிக்கைகளையும் மக்கள் நேரடியாக செல்போனில் காண்பதற்காக ‘சன்சாத் டிஜிட்டல் ஆப்’ அறிமுகப்படுத்தப்பட்டு உள்ளது. நாடாளுமன்ற பட்ஜெட் தொடர் வரும் 31ம் தேதி தொடங்க உள்ள நிலையில், அதற்கான ஏற்பாடுகளை மக்களவை சபாநாயகர் ஓம் பிர்லா நேற்று பார்வையிட்டார்.