மெல்போர்ன்: ஆஸ்திரேலியா ஓபன் கிராண்ட் ஸ்லாம் டென்னிஸ் போட்டியின் மகளிர் ஒற்றையர் பிரிவு இறுதி ஆட்டத்தில் விளையாட ஆஷ்லி பார்தி-டேனியலி கொலின்ஸ் ஆகியோர் முதல்முறையாக தகுதிப் பெற்றுள்ளனர். அங்கு நேற்று நடந்த முதல் அரையிறுதியில் ஆஸ்திரேலியா வீராங்கனை ஆஷ்லி பார்தி(25வயது, 1வது ரேங்க்), அமெரிக்க வீராங்கனை மேடிசன் கீஸ்(26வயது, 51வது ரேங்க்) ஆகியோர் மோதினர். ஆஸி ஓபனில் இருவரும் இதுவரை தலா 2 முறை அரையிறுதி வரை மட்டுமே முன்னேறியுள்ளனர். அதனால் முதல்முறையாக இறுதி ஆட்டத்துக்கு முன்னேற இருவரும் வேகம் காட்டினர். ஆனால் நெம்பர் ஒன் வீராங்கனையான ஆஷ்லி ஒரு மணி 2 நிமிடங்களில் 6-1, 6-3 என நேர் செட்களில் மேடிசனை வீழ்த்தி இறுதி ஆட்டத்துக்கு முன்னேறினார்.