மஞ்சூர்: நீலகிரி மாவட்டம் மஞ்சூர் பஜார் மற்றும் மேல் பஜார் பகுதியில் ஏராளமான கடைகள், வர்த்தக நிறுவனங்கள் உள்ளன. இப்பகுதியில் கடந்த சில மாதங்களாக ஏராளமான குரங்குகள் முற்றுகையிட்டு கடைகளில் வைக்கப்பட்டிருக்கும் பழங்கள், பொரிகடலை, பிஸ்கட் பாக்கெட்டுகள் உள்ளிட்ட தின்பண்டங்களை எடுத்து செல்வதுடன் பொருட்களை தரையில் தள்ளி அட்டகாசம் செய்து வருகின்றன. அவ்வாறு சாலையில் செல்லும்போது பல சமயங்களில் வாகனங்களில் அடிபட்டும், மின்சாரம் தாக்கியும் குரங்குகள் இறப்பது வாடிக்கையாகியுள்ளது.