கோவை: வருமானத்திற்கு அதிகமாக சொத்து சேர்த்ததாக கோவை மாவட்டம் வீரபாண்டி பேரூராட்சியின் அதிமுக முன்னாள் தலைவர் வீட்டில் லஞ்ச ஒழிப்பு போலீசார் 9 மணி நேரத்திற்கும் மேலாக மேற்கொண்ட சோதனை நள்ளிரவில் நிறைவடைந்தது. கோவை மாவட்டம் பெரியநாயக்கன்பாளையத்தை அடுத்துள்ள நம்பர் 4, வீரபாண்டி பேரூராட்சி, இதன் தலைவராக கடந்த 2001 ஆம் ஆண்டு முதல் 2016 ஆம் ஆண்டு வரை அதிமுகவை சேர்ந்த கே.வி.என்.ஜெயராமன் இருந்து வந்துள்ளார். இவர் தமது பதவி காலத்தில் வருமானத்தை விட அதிகமாக ரூ.1 கோடியே 45 லட்சம் ரூபாய் சொத்து சேர்த்ததாக புகார் எழுந்தது.