வாகடோகு: மேற்கு ஆப்ரிக்க நாடான பர்கினோ பசோவில் அல்-கொய்தா மற்றும் ஐஎஸ் தீவிரவாதிகளின் நாசவேலைகள் அதிகரித்து வருகின்றன. இதன் காரணமாக, அதிபர் ரோச் மார்க் கிறிஸ்டியன் கபோருக்கு கடும் எதிர்ப்பு ஏற்பட்டுள்ளது. தீவிரவாதிகளை ஒடுக்க ராணுவத்தை பலப்படுத்த எந்த நடவடிக்கையும் எடுக்காததால் ராணுவ வீரர்களும் அவர் மீது அதிருப்தியில் உள்ளனர். இந்நிலையில், தலைநகர் வாகடோகுவில் உள்ள ராணுவ படை முகாமில் நேற்று அதிகாலை முதல் திடீரென பயங்கர துப்பாக்கி சத்தங்கள் கேட்டன. நீண்ட நேரம் துப்பாக்கி சுடும் சத்தங்கள் கேட்டதால் அங்கு பரபரப்பு ஏற்பட்டது. ஆட்சியை கைப்பற்ற ராணுவம், ராணுவ புரட்சியில் ஈடுபட்டிருக்கலாம் என தகவல்கள் வெளியாகின.