மெல்போர்ன்: ஆஸ்திரேலிய ஓபன் கிராண்ட் ஸ்லாம் டென்னிஸ் தொடரின் மகளிர் ஒற்றையர் பிரிவு 4வது சுற்றில் விளையாட, போலந்து வீராங்கனை இகா ஸ்வியாடெக் தகுதி பெற்றார்.மூன்றாவது சுற்றில் ரஷ்யாவின் டாரியா கசட்கினாவுடன் (24 வயது, 23வது ரேங்க்) நேற்று மோதிய ஸ்வியாடெக் (20 வயது, 9வது ரேங்க்) 6-2, 6-3 என்ற நேர் செட்களில் எளிதாக வென்று காலிறுதிக்கு முந்தைய சுற்றில் நுழைந்தார். இப்போட்டி 1 மணி, 35 நிமிடத்தில் முடிவுக்கு வந்தது. முன்னணி வீராங்கனைகள் சிமோனா ஹாலெப், சொரானா சிர்ஸ்டீ (ருமேனியா), டேனியலி கோலின்ஸ் (அமெரிக்கா), கயா கானெபி (எஸ்டோனியா), ஆலிஸ் கார்னெட் (பிரான்ஸ்), எலிஸ் மெர்டன்ஸ் (பெல்ஜியம்) ஆகியோரும் 4வது சுற்றுக்கு முன்னேறி உள்ளனர்.