கணவரை பிரிகிறார் நடிகர் சிரஞ்சீவி மகள்?

ஐதராபாத்: நடிகர் சிரஞ்சீவியின் மகள் ஸ்ரீஜா தனது கணவரும், நடிகருமான கல்யாணை விவாகரத்து செய்ய உள்ளதாக கூறப்படுகிறது. தெலுங்கு சூப்பர் ஸ்டார் சிரஞ்சீவியின் இளைய மகள் ஸ்ரீஜா, சிரிஷ் பரத்வாஜ் என்பவரை திருமணம் செய்தார். கணவர் சித்ரவதை செய்வதாக புகார் கூறிய நிலையில், கடந்த 2011ம் ஆண்டு அவரை ஸ்ரீஜா பிரிந்தார். இதையடுத்து நடிகர் கல்யாண் தேவ் என்பவரை 2016ல் அவர் திருமணம் செய்தார். இவர்களுக்கு ஒரு மகள் இருக்கிறார். இந்நிலையில் கல்யாண் தேவ்க்கும், ஸ்ரீஜாவுக்கும் இடையே கருத்து வேறுபாடு ஏற்பட்டுள்ளதாக தகவல் பரவியது. இந்நிலையில், சமூக வலைத்தளத்தில் தனது பெயருடன் இருந்த கல்யாண் என்கிற பெயரை ஸ்ரீஜா நீக்கிவிட்டு, தனது தந்தையின் குடும்ப பெயரான கொனிடேலா என்பதை சேர்த்துள்ளார். இதனால், தம்பதி பிரிவது உறுதியாகியுள்ளதாக தெலுங்கு சினிமா வட்டாரத்தில் பேசப்படுகிறது. சமீபத்தில் தெலுங்கு நடிகர் நாகசைதன்யாவை நடிகை சமந்தா விவாகரத்து செய்தார். இந்நிலையில், நேற்று முன்தினம் ரஜினியின் மகள் ஐஸ்வர்யாவை தனுஷ் பிரிவதாக அறிவித்தார். இதையடுத்து சிரஞ்சீவியின் மகளும் கணவரை பிரிவது குறிப்பிடத்தக்கது.

Related Stories: