சென்னை: கொரோனா தடுப்பூசி போட்டவர்களுக்கு, ஒமிக்ரான் போன்ற வைரஸ் பாதிப்பு ஏற்பட்டாலும் உயிரிழப்பை தடுக்க முடியும் என்று பொது சுகாதாரத்துறை இயக்குநர் செல்வவிநாயகம் கூறினார். இதுகுறித்து செல்வவிநாயகம் கூறியதாவது: தமிழகத்தில் 5 கோடியே 78 லட்சத்து 91 ஆயிரம் பேர் 18 வயதை பூர்த்தி செய்து கொரோனா தடுப்பூசி போட்டுக் கொள்ள தகுதியானவர்களாக உள்ளனர். அவர்களில் கடந்த 30ம் தேதி வரை 4 கோடியே 54 லட்சத்து 89 ஆயிரத்து 382 பேர் முதல் தவணை தடுப்பூசி போட்டுள்ளனர். 2 கோடியே 56 லட்சத்து 13 ஆயிரத்து 525 பேர் இரண்டாம் தவணை தடுப்பூசி போட்டு கொண்டனர்.