பெரம்பூர்: சென்னை திரு.வி.க. நகரை சேர்ந்த ஆன்லைன் உணவு டெலிவரி ஊழியர் மணிகண்டன் (35), கடந்த மாதம் 26ம் தேதி கொலை செய்யப்பட்ட வழக்கில், கார்த்திக், தீபக் (எ) ரஞ்சித் குமார், அய்யனார், சின்னசாமி மற்றும் 17 வயது சிறுவன் என 5 பேரை ஏற்கனவே போலீசார் கைது செய்தனர். இந்த வழக்கில் தொடர்புடைய பெரம்பூர் கென்னடி சதுக்கம் பகுதியை சேர்ந்த இளா (எ) லிங்கராஜ் (20), அதே பகுதியை சேர்ந்த ஜெகதீசன் (எ) ஜெமினியாஸ் (22) ஆகியோரை திரு.வி.க.நகர் போலீசார் தேடி வந்தனர்.