ஜெனீவா: ஏற்கனவே கொரோனா தொற்றால் பாதிக்கப்பட்டவர்களுக்கு ஒமைக்ரான் வகை கொரோனா பரவுவதற்கு வாய்ப்பு அதிகமாக உள்ளது என உலக சுகாதார அமைப்பு தெரிவித்துள்ளது. தென் ஆப்ரிக்காவில் கண்டறியப்பட்டுள்ள ஒமைக்ரான் வகை கொரோனா வைரஸ் தொடர்பாக உலக சுகாதார அமைப்பு வெளியிட்டுள்ள அறிக்கையில் டெல்டா வகை கொரோனாவை போல ஒமைக்ரானும் வேகமாக பரவும் தன்மை கொண்டிருப்பது இதுவரை கண்டறியப்படவில்லை என தெரியவந்துள்ளது. தென் ஆப்ரிக்காவில் கொரோனாவால் பாதிக்கப்பட்டு மருத்துவமனையில் அனுமதிக்கப்படுவோர் எண்ணிக்கை அதிகரித்திருப்பது முதற்கட்ட ஆய்வில் தெரியவந்துள்ளதால் இந்த வைரஸ் மற்ற வைரஸ்களை விட வீரியமிக்கதா என்பது குறித்த ஆய்வுகள் நடைபெற்று வருவதாக உலக சுகாதார அமைப்பு கூறியுள்ளது.