மும்பை: உலகம் முழுவதும் கொரோனா பெருந்தொற்று முதல் அலை, 2வது அலை பரவி ஓரளவு கட்டுக்குள் அடங்கி வரும் நேரத்தில், தற்போது 3வது அலையாக புதுவகை கொரோனா வைரஸ் தொற்று பரவி வருவது மக்களிடையே பலத்த அதிர்ச்சியை ஏற்படுத்தியுள்ளது. இந்நிலையில், நடிகை தனிஷா முகர்ஜிக்கு கொரோனா தொற்று ஏற்பட்டுள்ளது. பாலிவுட் நடிகை கஜோல் சகோதரியும், நடிகையுமான தனிஷா முகர்ஜி, தமிழில் 2007ல் வெளியான ‘உன்னாலே உன்னாலே’ என்ற படத்தில் ஹீரோயினாக நடித்திருந்தார். தற்போது பாலிவுட் படங்களில் கவனம் செலுத்தி வருகிறார்.