வி.கே.புரம்: மேற்கு தொடர்ச்சி மலைப்பகுதியில் சில நாட்களாக தொடர்ந்து மழை பெய்து வருவதன் காரணமாக பாபநாசம் அணையிலிருந்து நேற்று முன்தினம் 20 ஆயிரம் கனஅடி நீர் வெளியேற்றப்பட்டது. இதன் காரணமாக தாமிரபரணி ஆற்றில் பக்தர்கள் பொதுமக்கள் குளிக்க மாவட்ட நிர்வாகம் தடை விதித்திருந்தது. அதேபோல் காரையாறு சொரிமுத்தையனார் கோவிலில் கடந்த இரண்டு நாட்களாக பக்தர்கள் செல்ல அனுமதி மறுக்கப்பட்டுள்ளது. இந்நிலையில் நேற்று காலை முதல் மழை குறைந்த காரணத்தால் தாமிரபரணி ஆற்றில் பக்தர்களும் பொதுமக்களும் குளிக்க அனுமதிக்கப்பட்டனர்.