வத்திராயிருப்பு: வத்திராயிருப்பு அருகே தம்பிபட்டியிலிருந்து தலமலையான் கோயில் வரை செல்லக்கூடிய பாதையில் தார்ச்சாலை இல்லாமல் இருந்து வருகிறது. தம்பிபட்டியிலிருந்து இந்த சாலை வழியாக செல்லும் வழியில் மேற்கு தொடர்ச்சியில் மலையில் கடந்த சில 2 நாட்களுக்கு முன்பு பெய்த மழையின் காரணமாக செட்டிகுறிச்சி கண்மாய்க்கு செல்லக்கூடிய ஓடையில் அளவுக்கு அதிகமான தண்ணீர் சென்றது. இப்பகுதியில் நூற்றுக்கணக்கான ஏக்கர் நிலங்களில் விவசாயப்பணி நடந்து வருகிறது. ஓடையில் அதிக தண்ணீர் சென்றதால் இந்த வயல்களுக்கு செல்ல முடியாமல் விவசாயிகள் தவித்தனர்.