திருத்தணி: திருத்தணி முருகன் கோயிலுக்கு ஆந்திரா, தமிழகம், புதுச்சேரி உள்பட பல்வேறு அண்டை மாநிலங்களில் இருந்து தினமும் பல்லாயிரக்கணக்கான பக்தர்கள் சாமி தரிசனம் செய்கின்றனர். மலைக்கோயில் பகுதியில் கோயில் சார்பில் கட்டப்பட்டுள்ள கடைகள் ஏலம் விடப்பட்டுள்ளது. ஏலம் எடுத்த கடைகளில் பூ, தேங்காய், பிரசாதங்கள் சிற்றுண்டி, டீக்கடை மற்றும் பொம்மை விற்பனை செய்யப்படுகிறது. இந்நிலையில், கோயிலுக்கு செல்லும் சாலை, நிழற்குடையில் பழக்கடைகள், மோர் உள்ளிட்ட பல்வேறு கடைகளை வைத்து பக்தர்கள் செல்ல முடியாத அளவிற்கு வியாபாரம் செய்யப்படுகிறது.